Gamlir Man U menn aftur á ferð

Jæja þá er þetta búið. Man U búnir að tryggja sér dolluna. Og nú er það gamall Man Utd sem er að leika sér að mínum liðum.

Fyrir þremur árum síðan þá mættu Man Utd West Brom. West Brom voru þá í fall baráttuni og Man U áttu ennþá möguleika að ná Chelsea á toppnum. En hann Bryan Robson var þá við stjórnvölin hjá WBA. Gamall Man U maður. Ferguson ákvað að stilla upp algjöru varaliði. Tapaði leiknum og dolluni. Ferguson mætti svo Southampton í síðasta leik tímabilsins. Southampton þurfti sigur eða jafntefli. Ferguson stillti upp sínu lang besta liði. Mínir menn komust í 1-0 en eins og vörnin þeirra var þá, gat það ekki endað svoleiðis. Þeir töpuðu 2-1. Þeir féllu. Hverjir forðuðust fallið haldið þið?

Núna er Bruce að berjast fyrir lífi sínu í deildini svo auðvitað á hann að reyna að ná stigi af Chelsea. En fylgist þið með Wigan-Man U. Ég er að vona að Wigan berjist. Ef ekki, þá vitið þið af hverju...

En þetta er allt í lagi. Vildi ekki að Grant ynni neitt hvort sem var. Vonandi vinnur kallinn ekki neitt og verður rekinn. Og það strax í gær!

Wigan jafnaði í uppbótartíma á Stamford Bridge

Athugasemdir

[Brattur, 14.4.2008 kl. 22:32]

... þetta er mögnuð samsæriskenning... en ansi langsótt....

[Dennis Wise, 14.4.2008 kl. 22:37]

ekkert langsótt...af hverju var hann að stilla upp ömurlegu liði á móti Robson í leik sem skipti máli fyrir ekki bara Ferguson heldur mörg önnur lið, en henti svo öllum stjörnunum inná á móti Dýrlingunum í leik sem skipti honum 'engu máli'. Ekkert langsótt. Sannleikurinn. Og nú þurfum við dýrlingar að borga fyrir þetta allt saman. Búnir að missa bestu leikmennina okkar og komnir í ömurleg mál. Og bara svo Robson færi ekki í fýlu.

Ógeðslegt!

[Víðir Benediktsson, 14.4.2008 kl. 22:50]

Trúir þú því sjálfur að Ferguson hafi fórnað Englandsmeistaratitli til að bjarga WBA

Ef minnsta sannleikskorn væri í þessari vitleysu hefði Ferguson þurft að fara í atvinnuleit daginn eftir.  Fótbolti er buisness og þar vill engin tapa og í buisness eru engir vinir.

[Dennis Wise, 14.4.2008 kl. 22:58]

Þetta um að stilla upp lélegu liði á móti WBA og besta liðinu á móti Saints er samt alveg satt.

Og trúir þú því virkilega því að Ferguson hafi verið rekinn af því tapaði þessum einum leik. Hann gerði það kannski ekki viljandi en hann gerði það viljandi miklu léttara fyrir WBA að bjarga sér frá falli en okkur.

Titillinn var næstum tapaður en það var smá von. St.Fergie hefði ekki verið rekinn fyrir að leyfa yngri leikmönnum að spreyta sig.

[Guttormur (IP-tala skráð) 14.4.2008 kl. 23:25]

Þetta er nú ekki alveg rétt hjá þér. Leik United og WBA leiktíðina 04/05 lauk með jafntefli 1-1 þar sem Ryan nokkur Giggs skoraði mark United. Ef um algjört varalið hefði verið að ræða væri hann varla í liðinu. Næsti leikur eftir það var gegn Chelsea í leik sem Chelsea vann 3-1. Sir Alex er sigurvegari og myndi aldrei gefa leik bara vegna þess að gamall United maður væri við stjórn hjá andstæðingnum. Ef eitthvað myndi ég halda að hann myndi frekar þrá sigur í slíkum leik, sbr. leikurinn gegn Sunderland og Roy Keane á þessari leiktíð.

[Dennis Wise, 15.4.2008 kl. 12:37]

Ég verð því miður ekki sannfærður nema þegar þið sýnið mér leikskýrsluna fyrir þessa báða leiki, WBA og Southampton og sýnið mér að Man U stilltu ekki upp betra liði á móti Southampton heldur en í leik sem sem skipti þeim máli.

Og þótt að Giggs skoraði þá sannar það ekki að þetta hafi verið gott lið. Það voru auðvitað 2-3 stjörnur.

Auðvitað vildi hann vinna Roy. Mikil spenna þar á bæ, en ekki á milli Fergusonar og Robson eða Bruce.